Adore life
Savages
Diskoa irekitzen duen The Answer abestiak aurreratzen du atzetik datozen abestietan aurkituko duguna: post punk dosi zuzen, indartsu eta gordina. Savages forma onean da eta amodioa hizpide duen disko honetan garbi erakusten du hori. T.I.W.Y.G., When in love eta Sad person kantuek ondo eusten dute lan osoan zehar banatzen den tentsioa.
New view
Eleanor Friedberger
70eko hamarkadako kantautoreen eraginarekin jarraituaz Eleanor Friedbergerrek giro akustikoak aukeratu ditu lan berria osatzeko. Lasai entzuteko abestiez beteta dago eta nostalgiak, barkardadeak eta desamodioak bete dute lan berria. Ez pentsa disko tristea denik, Sweetest girl, Open season eta Because I asked you emozionatzeko sortu ditu.
Have you in my widerness
Julia Holter
Feel you eta Sea calls home abestiek argi erakusten dute lan honen jatorria: pop argitsura eta erosora jauzia egin du Julia Holterrek. Ahots joku bikainen eta konponketa ederren arteko dialektikak 2015eko disko onenen artean kokatu du lan hau. Egitura konplexu eta sinpleen arteko jokoei esker eroso entzun eta gozatzen den diskoa da.
Not to dissapear
Daughter
ndie folk doinuetatik dream pop giroetara mugitu da Daughter hirukoa bere bigarren diskoan eta Beach House bezalako taldeen soinura gerturatu da. Aurreko diskoko Smother abesti biluzia soinu geruza ezberdinek betetako New days, How edo Doing the right thing bezalako abestiek ordezkatu dute. Amets egiteko kantuak.
The waiting room
Tindersticks
Suart Staples-en ahotsak gidatzen duen taldeak betiko dotoreziarekin jarraitzen du hamargarren disko honetan. Tindersticks-en musikan sumatzen den misterio kutsuari jazz konponketak eta doinu instrumentalak batu dizkiete. Were we once lovers? abestian baxuak disco musikara gerturatu eta Staples-en ahotsarekin batera hipnotizatu egingo zaitu: bikaina.