audio arkaitz villar
hurrengoa

Amboy Dukes

The journey to the center ot the mind·mainstream records

Taldea 1965ean sortu zen, Detroiten, eta hiru urte beranduago sortu zuen psikodeliaz betetako eztanda hau. Belaunaldi baten ereserki bilakatu bazen ere, gurean ez da horren ezaguna izatera iritsi. Ted Nugent gitarrajoleak sortutako riff pozoitsu kutsakorrek markatzen dute erritmoa. Lurraren erdialdera baino, burmuinaren erdialdera egindako bidaia da, lisergikoa eta itzulera gabea.

hurrengoa

Steppenwolf

Born to be wild·mca

68. urteko kantu hau Steppenwolf-en lehen estudioko diskoan aurki daiteke. Motorzaleentzat ezinbesteko erreferentzia, Easy Rider filmeko kantu nagusian “motorra martxan jarri eta autobidean abiadura bizian” sartzeko gonbitea luzatzen digute. Askatasunari eta errebeldiari abesten diote, eta, horretarako, errepidea, abiadura eta motorrak ezinbestekotzat dituzte.

hurrengoa

Rolling Stones

Route 66·decca

1946an Bobby Tropek sortu eta Nat King Cole-k moldatutako klasiko hau, 1964an Rolling Stones-ek jo zuen estudioan lehen aldiz. Talde britaniarrak garai hartan erakusten zuen rythm & blues-aren aldarrikapenaren erakusgai argi bilakatu zen. Estatu Batuetako poztasunak eta miseriak zeharkatzen dituen errepide mitikoan barrena doan bidaia da.

hurrengoa

Daft punk

around the world·virgin

Bizi garen XXI. mende honetarako sortutako kantu honek garai berri bat markatu zuen eleketronikan. Itxura robotikoaz azaltzen diren Guy-Manuel de Homem-Christo eta Thomas Bangalter-ek, 1997an, pieza aurrerakoi hau erakutsi ziguten “Homework” lanean. Laser eta kolore distiratsuz beteta dago, “2001 Space Odissey” dantzalekura eraman balute bezala.

hurrengoa

Iggy Pop

The passenger·rca

Bidaia luzea da Iggy Popek hemen proposatzen diguna. Estudioko bakarkako lan honetan leihotik begira dago, hiriaren argien eta distiren babesa bilatzen duela aurrera egiteko. Bidaia hipnotikoa, David Bowie adiskidearen laguntzaz sortu zuena. 77an argia ikusten hasi zen Iggy Pop, askatasunaren eskutik. Disko honetan "Lust for life" klasikoa aurkituko dugu.

hurrengoa

Family

Viaje a los sueños polares·elephant

Javier Aramaburu eta Iñaki Gametxogoikoetxeak osatzen zuten Family talde kaleratu zuen "Un soplo en el corazón" diskoa lan ia mitologikoa bihurtu da pop zaleen artean. Eurak izan ziren ondoren etorri zen uholdearen oinarri eta sustraia. Disko honetan gordetzen den bitxietako batek "Viaje a los sueños polares" du izena, eta urteetan irrati saio oso ezagun bati eman zion izena. Ezinbesteko kantua honelako zerrenda batetan.