• 1
  • 2
hurrengoa
zilborrestea    Ithaka design enpresak, ur-altzari hau diseinatu zuenean, oso ideia ederra iruditu zitzaigun. Askotan gertatzen da, ordea, gisa honetako sorkuntza- lanak hautsa biltzen geratzen direla paperean eta estudioko apalean. Zorionez, hau ez da kasua; Zilborrestea izeneko ur-altzaria eraiki, eta Hondarribiako uretan izaten da uda partean. plisti-plasta, plisti-plasta.
ur gaineko hamaka,
lasai, patxadan egoteko aukera
bakarrik
bikotearekin
lagunartean...
plisti-plasta, plisti-plasta.
olatua joan, olatua etorri, olatua badoa.
deskantsatzeko, jauzi egiteko.
Malko eta irrifar,
kezka eta oihu.

begiak itxi,
hausnarketen erreinuan sartu
nora? zertarako?
ametsa. ametsak. amets gehiago
begiak zabaldu, inguruneaz gozatu
plisti-plasta, plisti-plasta.
lo hartu dut.

Ezetz txiribuelta eman? Baietz!!!

aukeran, nahiago etzanda egon.
ur gainean etzanda,
ametsen gainean etzanda
plisti-plasta, plisti-plasta.

etorkizuna horizontean,
lehorrean iragana
gu erdi-bidean.
orain. hemen.
olatuak, mareak, kresala.
itsas taupadak
hondar birikak.
plisti-plasta, plisti-plasta.
bizirik gaude.

Hondartza hustu da.
marlaxkak hondar gainean erne,
ezinegonean,
arrai bazka.
martxan jarri beharko, ez?
plisti-plasta, plisti-plooooof

Zilborrestean parte hartu dute:
Jatorrizko ideia & Produktuaren diseinua: Ithaka design
Garapen teknikoa: Enrique Lekuona
Prototipoaren fabrikazioa: Olaziregi Untziola
Babeslea: Hondarribiko Udala | Hondarribia Town Council
info +: